Duwang drug personalities an pigramalan kan mga personahe kan Naga City Police Office sa sarong entrapment operation na nagin dalan pa tanganing makumpiskar an 250 gramo nin shabu na nagkakantidad P1.7-M.
An buy-bust operation ginibo kan Lunes, Oktubre 25, nin mag-aagahon sa Greenfield Street sa Barangay Peñafrancia.
Nasakote kan mga awtoridad alas 2:40 nin aga iyo sinda Jonathan Almonte Fabi kan Barangay Calauag asin Herbert Esguerra Endaya kan Barangay Peñafrancia.
An duwa, segun sa mga awtoridad, pig-bayolar an Republic Act 9165 or Comprehensive Dangerous Drugs Act of 2002.
Sarong pormal na pagtao nin onra asin pagmidbid sa magayon na performance kan mga pulis an pigbobosol ni City Councilor Vidal Castillo sa paagi nin sarong resolosyon. Si Castillo, midbid na sarong makusog na anti-illegal drugs campaigner asin nagsusuporta sa mga awtoridad na makusog an laban kontra droga sa paagi nin pagtao sainda nin komendasyon.
Sa Lunes, Nobyembre 8, sarong citation an itatao sa mga pulis pagkatapos kan flag-raising ceremony huli kan saindang marhay na serbisyo. “An satuyang gobyerno lokal nakatalaan na magtao nin pag omaw asin pagmidbid an satuyang kapulisan huli kan saindang piggibo para sa satuyang syudad na pig-aapod nyatong Maogmang Lugar,” sabi kan konsehal.
An mga pulis iyo sinda: PCol. Marlon Catan, NCPO director; PLt. Col. Edgar Butch Moraleda, chief of NCPO intelligence unit; PCapt. Miguel M. Nool III, NCPO substation III officer-in-charge; PLt. Charles Elmerson B. Oamil;
PLt. Col. Rommel B. Labarro, PMSg. Vivian R. Orquita, PSSg. Bobby G. Relos, PSSg. George A. Estocado, PSSg. Julius Q. Bayola, PCPI Jerome D. Frondozo, PCPI Francis Luvi D. Pandoy, PCPI Christian B. Teves, PCPI Ryan D. Rebelion, PCPI Diosdado M. Lamtecson, Pat. Gerson A. Bengua, Pat. Jayson Sancha, Pat. Sonny Embuscad, Pat. Daryl Sarmiento, Pat. Anne Marielle O. Rolda, and Pat. King Erwin Ceasar Guazon.
